Inserir controis
Abre a barra Caixa de ferramentas
Inserir controis
-
En modo edición, prema dúas veces nun control para abrir a caixa de diálogo de propiedades.
-
En modo edición, tamén pode premer co botón dereito do rato nun control e escoller entre as ordes cortar, copiar e pegar.
Botón
Engade un botón de ordes. Pode utilizalo para executar unha orde nun evento definido, como un clic do rato.
Se o desexa, pode engadir ao botón un texto ou imaxe.
Control de imaxe
Engade un control que mostra unha imaxe.
Caixa de verificación
Inclúe unha caixa de verificación que pode usarse para activar ou desactivar unha función.
Botón de opción
Engade un botón que permite seleccionar entre varias opcións. Os botóns de opción agrupados deben ter índices de tabulación consecutivos. Normalmente están rodeados por unha caixa de grupo. Se ten dous grupos de botóns de opción, debe inserir un índice de tabulación entre os índices dos dous grupos no marco do grupo.
Campo de etiqueta
Engade un campo para a visualización de etiquetas de texto. Estas etiquetas só se utilizan para a visualización de texto predefinido e non para introducir texto.
Caixa de texto
Engade unha caixa de entrada onde pode introducir e editar texto.
Caixa de lista
Engade unha caixa onde pode premer nunha entrada da lista.
Caixa de combinación
Engade unha caixa de combinación. Trátase dunha caixa de lista onde o usuario pode premer e seleccionar unha entrada. Se o desexa, pode converter as entradas da caixa de combinación en "só de lectura".
Barra de desprazamento horizontal
Engade unha barra de desprazamento horizontal á caixa de diálogo.
Barra de desprazamento vertical
Engade unha barra de desprazamento vertical á caixa de diálogo.
Caixa de grupo
Engade un marco onde é posíbel agrupar visualmente controis semellantes, como botóns de opción.
Para definir dous grupos diferentes de botóns de opción, comprobe que o índice de tabulación do marco de grupo estea entre os dos dous grupos.
Barra de progreso
Engade unha barra de progreso á caixa de diálogo.
Liña horizontal
Engade unha liña horizontal á caixa de diálogo.
Liña vertical
Engade unha liña vertical á caixa de diálogo.
Campo de data
Engade un campo data.
Se atribúe a propiedade "despregábel" ao campo de data, os usuarios poden despregar un calendario para seleccionar unha data.
Campo horario
Engade un campo de hora.
Campo numérico
Engade un campo numérico.
Campo monetario
Engade un campo monetario.
Campo formatado
Engade unha caixa de texto onde pode definir o formato do texto que se introduce ou mostra así como os valores de límite.
Campo de patrón
Engade un campo enmascarado. Consiste nunha máscara de entrada e nunha de carácter. A máscara de entrada determina os datos que poden introducir os usuarios e a de carácter determina o estado do campo enmascarado cando se carga o formulario.
Selección de ficheiros
Engade un botón que abre un diálogo de selección de ficheiro.
Seleccionar
Activa ou desactiva o modo Selección. Neste modo, pode seleccionar e editar os controis dunha caixa de diálogo.
Propiedades
Abre unha caixa de diálogo para editar as propiedades do control seleccionado.
Activar o modo de proba
Inicia o modo de proba. Prema sobre a icona próxima para finalizar o modo de proba.
Xestión de idiomas
Abre un diálogo para activar ou xestionar múltiplos conxuntos de recursos de diálogo para multiplos idiomas.
Control de árbore
Engade un control de árbore qeu pode mostras unha lista xerárquica. Pode poboar a lista co seu programa, usando chamadas API (XtreeControl).